काठमाडौं –
प्रहरीमा बाबु-छोराले एकैदिन डीएसपीको फूली लगाएका छन् । नेपाल प्रहरीको प्रहरी नायब उपरीक्षक ९डीएसपी० मा एकैपटक बढुवा भए पछि बाबु–छोराले ।
राजेन्द्र अधिकारी र उनका छोरा ध्रुव अधिकारी बिहीबार दर्ज्यानी चिह्न लगाएका हुन् ।
राजेन्द्र जनपदतर्फ र छोरा प्राविधिकतर्फबाट डीएसपीमा बढुवा भएका हुन् ।
राजेन्द्रले २०५१ सालमा प्रहरी सहायक निरीक्षक (असई) नेपाल प्रहरीमा सेवा प्रवेश गरेका थिए भने ध्रुव चाहिँ २०७५ सालमा प्राविधिकतर्फ इञ्जिनियर इन्सपेक्टरमा भर्ना भएका हुन् ।
प्रहरी निरीक्षकबाट डीएसपीमा बढुवा भएका ६३ जनाले बिहीबार दर्ज्यानी चिह्न लगाएका छन् ।
उनीहरुसहित बढुवा भएका डीएसपीलाई बुधबार आयोजित एक कार्यक्रममा प्रहरी महानिरीक्षक धिरजप्रताप सिंहले दर्ज्यानी चिह्न लगाइदिएका छन् ।
ध्रुवका बुबा राजेन्द्र २०५७ सालमा सई र २०६७ सालमा इन्सपेक्टरमा बढुवा भएका थिए ।
