११ साउन,चितवन
सर्प उद्दारकर्ता एबम संरक्षक यमलाल भन्डारी सामाजिक कार्यमा पुन: सक्रिय हुन थालेका छन। सामाजिक कार्यलाई निरन्तरता दिँदै आएका यमलालले नवलपुर गैंडाकोटको अपाङ्ग विकास संस्थामा पुगी सहयोग गरेका छन्।उनले त्यहाँ बस्दै आएका अपाङ्गता भएका व्यक्तिलाई सहयोग गरेका छन।सहयोग दिँदै उनले भने,”उहाँहरुसँग हास्न, बस्न , नाच्न मनपर्छ ,उहाँहरूकै काखमा रमाइराख्न मन लाग्छ ।उहाँहरूकै कुरा सुनिरहन मनलाग्छ।सहयोग भनेको जति सकिन्छ,जसरी सकिन्छ त्यसरी नै गर्ने हो।

सहयोगको क्रममा अपाङ्गता भएका मानिसहरूले टेलिभिजनको अपेक्षा गरेको उनले बताए।उनले भने,”दिनभरि बस्दा बस्दै एक्लो महशुस भयो, दिक्क लाग्यो भन्नुभयो । टिभि हेर्न पाए दिन कटथ्यो की भन्नुभयो ।त्यसपछि उहाँहरुको कुराले रातभर निन्द्रा लागेन ।
अनि एउटा टिकटक बनाए”। टिकटक अपलोड गरेको केही समयमै सहयोग गर्न तयार रहेको धेरैले प्रतिक्रिया जनाए।प्रतिक्रिया जनाउने मध्य जापानमा रहेका गैरे दम्पती टंक गैरे र मिना गैरेले गर्नुभएको आर्थिक सहयोग लिएर उनीहरूको अपेक्षा पूरा गर्न आफूहरु टेलिभिजन लिएर त्यहाँ सहयोग गर्न पुगेको भण्डारीले बताए भण्डारीका अनुसार सहयोग प्राप्त गरेर करिब ६०,००० बराबरको टिभि खरिद गरी संस्थालाई मंगलबार हस्तान्तरण गरिएको छ । हस्तान्तरण कार्यक्रममा धार्मिक व्यक्तित्त्व अर्जुन सापकाेटा,संस्थाका प्रतिनिधिहरु र करिब २२ जना अपाङ्गता भएका मानिसहरूको सहभागिता रहेको थियो।सर्प संरक्षक सँगै त्यहाँ पुगेका अर्जुन सापकोटाले आगामी दिनमा पनि समाजसेवालाई निरन्तरता दिइने बताए।