बर्दियामा एक १६ वर्षीया किशोरीमाथि सामूहिक बलात्कार भएको छ । बिहीबार बिहान बढैयाताल गाउँपालिका– ५ फुलबारी स्थित सडक बाटोमा किशोरीमाथि सामूहिक बलात्कार भएको हो ।

सामूहिक बलात्कारमा संग्लन रहेको आरोपमा बर्दिया प्रहरीले दुई किशोरलाई पक्राउ गरेको छ । बाँकेको बैजनाथ गाउँपालिका घर भइ बढैयातालस्थित दिदीको घरमा आएका बेला १६ वर्षीया किशोरीमाथि बलात्कार भएको बर्दिया प्रहरीका प्रवक्ता प्रहरी नायब उपरीक्षक (डीएसपी) सूर्य प्रकाश सुवेदीले बताए ।

‘जबरजस्ती करणी गरी फरार रहेको भनेर पीडितले मैनापोखर प्रहरीमा जानकारी गराएपछि संग्लनहरुको खोजी तिव्र पारेका थियौं’ उनले भने,
‘पीडितले नै दिएको हुलियाको आधारमा मैनापोखर र हाम्रो बिशेष प्रहरी टोलीले दुई युवकलाई पक्राउ गरेको छ’ उनले भने डीएसपी सुवेदीका अनुसार पक्राउ पर्नेमा बाँके बैजनाथ गाउँपालिका–८ गुरुदयालका ३० वर्षीय राजेश मंगता र सोही ठाउँका २० वर्षीय रोहन खटिक रहेका छन् । प्रहरीले मंगतालाई घरबाटै र खटिकलाई गुलरिया नगरपालिका– १२ डल्लापुरबाट पक्राउ गरेको थियो ।

बर्दिया जिल्ला अदालतबाट पक्राउ परेका दुबै जनालाई जबरजस्ती करणी मुद्दा शिर्षकमा म्याद थप गरी आवश्यक अनुसन्धान अगाडि बढाइएको बर्दिया प्रहरीले जनाएको छ ।

मिसनटुडे