एडिलेड/अष्ट्रेलिया पढ्न आएकी एक नेपाली विद्यार्थीको दुबै मृगौला बिग्रिएपछि उपचारमा सहयोग जुटाउन थालिएको छ ।
२९ वर्षिय पद्मा लामाको ८ महिनाअघि मृगौलाले काम गर्न छाडेको हो । साउथ अष्ट्रेलियाको एडिलेडमा मास्टर्स पढ्न आएकी पद्मालाई सन् २०१९ तिरै मृगौलामा केही समस्या देखिएपछि औषधीले नियन्त्रण भइरहेको थियो । तर, मृगौला नै पत्यारोपण गर्न पर्ने भएपछि पद्मा उपचारका लागि नेपाल फर्किएकी छिन् ।

तपाई पनि पद्मा सहयोग गर्न चाहानुहुन्छ भने यो लिंकमा जानुहोस्
https://www.gofundme.com/f/help-padma-for-kidney-transplant?qid=124d7dedb79ea84c66b20cc0c84c2245

नेपालमा मृगौला पत्यारोपणका लागि खर्च जोह गर्न तामाङ सोसाइटि अफ अष्ट्रेलियाको साउथ अष्ट्रेलिया शाखाले गो फण्ड मि मार्फत सहयोग संकलन गरिरहेको छ । त्यस्तै एडिलेड नेपलिज स्टुडेन्ट एशोसियसन र रेड राइनो क्रिकेट क्लबले पनि संयुक्त रुपमा छुट्टै गो फण्ड मि एकाउन्टबाट सहयोग जुटाइरहेको छ । दुबै एकाउन्टबाट हालसम्म २० हजार डलर संकलन भइसकेको छ ।

चितवन भरतपुर स्थाई घरका पद्माले अहिले हप्ताको दुइ दिन डायलासिस गरिरहनुभएको छ । बाबुले मृगौला दान गर्ने तयारी भएपनि रगतको समुह नमिलेका अरु नै दाता खोजि भइरहेको छ । घरको आर्थिक अवस्था कमजोर भएको तथा हप्ताको दुइ दिन डायलासिस गर्नुपर्ने भएको आर्थिक भार समेत थपिदै गएको पद्माको भनाई छ । तर, मृगौला प्रत्यारोपण गर्न ५० देखि ६० लाख खर्च लाग्ने देखिएपछि समाजले सहयोग जुटाउन लागेको साउथ अष्ट्रेलिया संयोजक पाल्देन लामाले जानकारी दिनुभयो । आफु अझै बाचेर समाज र मानवहितका लागि काम गर्न चाहेकाले सबैले सहयोग गरेर ज्यान बचाइदिन पद्माले अपिल गर्नु भएको छ । मृगौला ठिक भएपछि फेरी अष्ट्रेलिया आएर पढाई पुरा गर्ने समेत पद्माले बताउनुभयो ।