महेन्द्रनगर : कञ्चनपुरको शुक्लाफाँटा नगरपालिकामा वडा अध्यक्षका उम्मेदवारहरुले एक मत पनि नपाएको भेटिएको छ ।
वडा नं. ७ को वडा अध्यक्षमा स्वतन्त्र उम्मेदवारी दिएका रामबहादुर ठगुन्ना र हरकसिंह ठगुन्नाले एक मत पनि नपाएका हुन् । निर्वाचन अधिकृतको कार्यालयले सार्वजनिक गरेको नतिजा अनुसार दुबै जनाको मत शून्य छ ।
यसबाट ती उम्मेदवारहरुले आफूले आफैंलाई पनि भोट नदिएको वा दिएको भोट पनि बदर भएको हुनसक्ने अनुमान गर्न सकिन्छ ।
रामबहादुरले खरायो र हरकसिंहले कुखुरा चुनाव चिह्न पाएका थिए ।
वडा नं. ७ मा नेकपा एमालेका प्रतापसिंह धामी ७ सय २८ मत ल्याउँदै वडा अध्यक्षमा निर्वाचित भएका छन् ।
