भतरपुर : चितवनको भतरपुर महानगरपालिकामा सत्ता गठबन्धनका बागी उम्मेदवार पूर्वसांसद जगन्नाथ पौडेलले पुनर्विचार गर्ने माओवादी केन्द्रका प्रवक्ता कृष्णबहादुर महराले बताएका छन्।
काठमाडौंमा आयोजित पत्रकार सम्मेलनमा बोल्दै उनले यस्तो बताएका हुन्।
पूर्वसांसद पौडेल बागी भएको कुराभन्दा कांग्रेस र माओवादी केन्द्रको सँगै जुलुस हुनु महत्त्वपूर्ण रहेको उनले बताए। उनले भने, ‘पूर्वसांसदले पुनर्विचार गर्नुहुन्छ। महत्त्वपूर्ण कुरा भरतपुरमा कांग्रेस र माओवादी केन्द्रको जुलुससँगै निस्केको छ।’
भरतपुर माओवादी केन्द्रलाई दिइएकोमा असन्तुष्ट रहेका चितवन कांग्रेसका नेता कार्यकर्ताहले पौडेललाई स्वतन्त्ररूपमा मेयरको उम्मेदवार बनाउने निर्णय गरेका छन्।
उनलाई पूर्वजिल्ला सभापति कृष्णलाल सापकोटालगायतको समर्थन छ। आज मनोनयन दर्ता गर्ने तयारी गरिरहेका छन्।
