काठमाडौ : मृत्युसँग सबै डराउँछन्। हरेक मानिस आफ्नो तर्फबाट चाहन्छ कि उसलाई यस्तो कुनै घटना नपरोस् कि मृत्यु उसको नजिक कहिलै नआओस्।
तर संसारको विनाशको बारेमा सोच्दा मानिस लाचार हुन्छ। प्रलयले संसारलाई निलिरहेको बेला मानिसले के गर्न सक्छ ?
तर अमेरिकाकी एक महिलाले संसारको विनाशसँग लड्दै आफ्नो ज्यान जोगाउन पूरा आफ्ना लागि व्यवस्था जोडेकी छिन् ।
११ वर्षमा बनेको बंकर
विश्वले धेरै वर्ष पहिले नै विश्व युद्धको परिणाम देखेको छ। सोच्नुहोस्, त्यतिबेलाको अवस्था यति डरलाग्दो थियो, आज विश्वका धेरै देश परमाणु शक्ति भएका बेला यस्तो वातावरणमा तेस्रो विश्वयुद्ध भयो भने के हुन्थ्यो होला ?
तब संसारको विनाश लगभग निश्चित छ। यद्यपी यो कहिले हुन्छ र हुने हो कि हैन यसै भन्न सकिँदैन तर अमेरिकाकी एक महिलाले संसार नै विनाशको अवस्था बनेमा कसरी आफ्नो ज्यान जोगाउने भनेर विगत ११ वर्षदेखि तयारी गरिरहेकी छिन् ।
मेरो ११ वर्ष
संसार विनाशको समयमा आफूलाई बचाउन यी महिलाले लाखौं रुपैयाँ खर्चेर आफ्नै घरमा बंकर बनाएकी छिन् ।
यति मात्र होइन, यी महिलाले आफूलाई त्यही जीवित राख्न धेरै वर्षदेखि राशन पनि जम्मा गरिरहेकी छिन् । यो उपलब्धि रोवन म्याकेन्जी नामकी ३८ वर्षीया महिलाले पूरा गरेकी छिन् । रोवनलाई डर छ कि आउने दिनहरूमा पृथ्वी समाप्त हुनेछ। या तेस्रो विश्व युद्ध हुनसक्छ ।
यही डरका कारण उनले आफ्नो घरमा भूमिगत बंकर बनाएर २५ वर्षको खाना राशन जम्मा गरेकी छन् । यति धेरै प्रबन्ध गरिसकेपछि रोवनलाई पृथ्वी ध्वस्त भयो भने अवश्य बच्ने विश्वास छ ।
मिरर रिपोर्टका अनुसार रोवनले आफ्नो घरको बंकरमा लामो समयसम्म टिक्न सक्ने खाद्य वस्तुहरू भण्डार गरेकी छन्। जसले गर्दा उनीहरुले खाद्यान्न बिग्रने चिन्ता लिनु पर्दैन ।
महिलाले बंकरमा खानेकुराबाहेक केही हतियार राखेकी छिन् भन्ने थाहा पाउँदा छक्क पर्नुहुनेछ । ताकि उनीहरूले खतराको समयमा यी हतियारहरू प्रयोग गर्न सकून्।
बंकरमा १५ लाख खर्च
मिररका अनुसार यो बंकर बनाउन रोवनले करिब ८ लाख रुपैयाँ खर्च गरेकी छन् । यसबाहेक बंकरमा जम्मा गरिएका खाद्यान्नमा पनि महिलाले करिब ७ लाख रुपैयाँ खर्च गरेकी छन् । यसरी संसारको विनाशबाट आफूलाई बचाउन रोवनले करिब १५ लाख रुपैयाँ खर्च गरेकी छन् ।
रोवनले आफूलाई सहि ठान्छिन् तर त्यहाँ उनको यस्तो व्यवहार देखेर मानिसले उनलाई पागल ठान्छन् । उनी भन्छिन् कि मानिसहरूले उनलाई पागल र सनकी मान्दछन्।
तर, जनताको यो प्रतिक्रियाप्रति उनलाई कुनै आपत्ति छैन । उनी अरूलाई पनि त्यस्तै गर्न सल्लाह दिन्छिन्। मानिसले हरेक किसिमको परिस्थितिका लागि पहिल्यै तयार हुनुपर्ने र नराम्रो परिस्थितिबाट बच्न योजना बनाउनुपर्ने रोवनको विश्वास छ । ताकी त्यसबेला कुनै समस्या नहोस् ।
