बहुप्रतिक्षित फिल्म ‘केजिएफ–२’ को अफिसियल ट्रेलर गत आइतबार रिलिज भइसकेको छ । भारतको बैंगलुरुमा आयोजित एक भव्य कार्यक्रममा निर्माण टिमले कन्नडा, हिन्दी, तेलुगु, तमिल र मलायालम गरी पाँच वटा भाषामा ‘केजीएफ च्याप्टर–२’को ट्रेलर सार्वजनिक गरेको हो ।
केजिएफ च्याप्टर-२ १४ अप्रिल २०२२ मा रिलिज हुँदैछ । प्रशान्थ नीलले लेखन तथा निर्देशन गरेको यस फिल्ममा अभिनेता यश, सञ्जय दत्त, श्रीनिधी शेट्टी, रविना टण्डन, प्रकाशराज, माल्भिका अभिनाश, अच्युत कुमार, आयाप्पा पी शर्मा, राव रमेश, ईश्वरी राव, अर्चना जोइस, टीएस नागाभारना, सरन, अभिनाश, भशिष्टा सिम्हा, हरिश राईलगायतको मुख्य भूमिका रहेको छ ।
केजिएफ च्याप्टर २ का कलाकारहरूले आफ्नो फिल्मको लागि कति पारिश्रमिक लिएका छन् त ? यसको बारेमा आज जानकारी दिनेछौं ।
यश
अभिनेता यशले केजीएफ-२ मा राजा कृष्णप्पा बैर्या उर्फ रकी भाइको भूमिकामा देखिनेछन् । उनले फिल्मको लागि २५ देखी २७ करोड पारिश्रमिक लिएका छन् ।
रविना टण्डन
फिल्ममा अभिनेत्री रविना टण्डन भारतकी प्रधानमन्त्री रमिका सेनको भूमिकामा देखिनेछिन् । उनले फिल्मको लागि १ देखी २ करोडको बिचमा पारिश्रमिक लिएकी छिन् ।
सञ्जय दत्त
अभिनेता सञ्जय दत्त फिल्ममा अधीराको भूमिकामा देखिनेछन् । सञ्जयले फिल्मको लागि ९ देखी १० करोड बिचमा पारिश्रमिक लिएका छन् ।
श्रीनिधि शेट्टी
केजीएफ-२ मा अभिनेत्री श्रीनिधि रीना देसाईको महत्वपूर्ण भूमिकामा देखिने छिन् । रिपोर्टका अनुसार अभिनेत्री रीनाले फिल्मको लागि ३ करोड पारिश्रमिक लिएकी छिन् ।
प्रशान्थ नील
केजीएफ सिरिजका निर्देशक तथा लेखक प्रशान्त नीलले फिल्मको लागि करिब १५ देखी २० करोड लिएको बताइएको छ ।
प्रकाश राज
अभिनेता प्रकाश राजले यस चलचित्रमा विजयेन्द्र इङ्गलागीको भूमिका निर्वाह गर्ने छन् । उनले ८२ लाख रुपैयाँ पारिश्रमिक लिएको बताइएको छ ।
(बलिउडलाइफ)
