जिल्ला प्रहरी कार्यालय चितवनले नारायणी नदीमा तैरिरहेको अवस्थामा एक महिलाको शव फेला परेको छ ।

भरतपुर–१ स्थित नारायणी नदीमा तैरिरहेको अवस्थामा अन्दाजी ५५ वर्षकी एक महिलाको शव विहिवार बिहान फेला परेको चितवन प्रहरीले जनाएको छ । प्रहरीले शवको पहिचान हुन नसकेको जनाएको छ ।

घटनास्थल मुचुल्का लगायतको प्रारम्भिक अनुसन्धान प्रक्रिया पूरा गरी शव पोष्टमार्टमको लागि भरतपुरमा पठाइएको चितवन प्रहरीले जनाएको छ ।

फोटोसहितको हुलिया प्रहरीले सार्वजनिक गर्दै आफन्त वा चिनजानको मानिस भएमा जिल्ला प्रहरी कार्यालय चितवनमा सम्पर्क राख्न अनुरोध गरिएको छ ।