उद्योग वाणिज्य संघ चितवनको पदाधिकारीमा चुनानारायण श्रेष्ठ समूहले उम्मेदवारी घोषणा गरेको छ । चितवनको क्षेत्रपुरमा आज वुधवार विहान भएको पत्रकार सम्मेलन कार्यक्रम मार्फत यस्तो घोषणा प्रस्तुत गरिएको हो ।

अध्यक्षमा वर्तमान बरिष्ठ उपाध्यक्ष चुननारायण श्रेष्ठ, वरिष्ठ उपाध्यक्षमा वर्तमान उपाध्यक्ष सुमनकुमार श्रेष्ठ, उपाध्यक्षहरुमा चिरञ्जीवी सुवेदी, भोजराज कौडाल, शंकर नेपालले उम्मेदवारी दिने घोषणा गर्नुभएको हो । यसअघि पदाधिकारीमा निर्विरोध चयन भएका ४ जना पदाधिकारी र मनोनित सदस्यले उम्मेदवारी घोषणा गर्नुभएको हो ।अध्यक्षका उम्मेदवार श्रेष्ठ ४ पटक उवासंघको पदाधिकारी बनिसक्नुभएको छ ।

२०६६ सालदेखि कार्यसमिति सदस्य हुदै तृतीय उपाध्यक्ष, प्रथम उपाध्यक्ष र २ पटक बरिष्ठ उपाध्यक्ष बनेर काम गरिसक्नुभएको छ । उहाँले राजश्व, कर, मौद्रिक नीति बनाउदा निजी क्षेत्रका तर्फबाट सुझावहरु राष्ट्र बैंक, योजना आयोगलाई पठाउन सक्रिय हुनुहुन्छ । चितवनलाई आर्थिक केन्द्र बनाउन पहल गर्ने प्रतिवद्धता जनाउनुभएको छ । उहाँले यसपालि पदाधिकारी पदहरुमा सर्वसम्मत नेतृत्व हुने दावी गर्नुभयो । उवासंघको ६ दशक बनाएको शाखलाई उचाइमा पुर्याउने बताउनुभयो । नेतृत्व बनाउन अनुभवी र सक्षम व्यक्तिहरु सबैलाई समेटेर साझा उम्मेदवारहरु चयन गरिने बताउनुभयो ।

बरिष्ठ उपाध्यक्षका उम्मेदवार सुमनकुमार श्रेष्ठ १६ वर्षदेखि उवासंघमा आवद्ध हुनुहुन्छ । उहाँ कार्यसमिति सदस्यहुदै एक पटक कार्याकाल तृतीय उपाध्यक्ष र द्वतिय उपाध्यक्ष र २ कार्याकल प्रथम उपाध्यक्षका रुपमा काम गरिसक्नुभएको छ । उहाँ संघको आर्थिक विकासमा क्रियाशिल हुनुहुन्छ । यस्तै उपाध्यक्षका उम्मेदवार चिरञ्जीवी सुवेदी ६ कार्यालय कार्यसमितिमा रहेर काम गर्नुभएको छ । उहाँ १ कार्याकाल तृतीय उपाध्यक्ष, २ कार्याकाल द्वितिय उपाध्यक्ष बनिसक्नुभएको छ । उहाँ अघिल्लो कार्यकाल बरिष्ठ उपाध्यक्षका आकांक्षी हुनुहुन्थ्यो । यस्तै अर्का उपाध्यक्ष उम्मेदवार भोजराज कौडाल ६ कार्यकाल कार्यसमितिमा रहेर काम गर्नुभएको छ । उहाँ वर्तमान तृतीय उपाध्यक्ष हुनुहुन्छ । अर्का उपाध्यक्षका उम्मेदवार शंकर नेपाल २०७० देखि कार्यसमिति सदस्य हुनुहुन्छ । उहाँले घरबहाल समन्वय उपसमिति र सदस्य अभिवृद्धि उपससमिति संयोजक भएर काम गर्नुभएको छ ।

उद्योग वाणिज्य संघको अधिवेशनले २५ सदस्यीय कार्यसमिति निर्वाचनबाट निर्वाचित हुनेछन । ६ जना पदाधिकारी र २३ जना सदस्य चयन हुनेछन् । उद्योग, वाणिज्य तर्फ ६/६ जना, वस्तुगततर्फ ४ जना, महिला १ जना, एशोसियटतर्फ २ जना, क्षेत्रीय सदस्य १ जना निर्वाचित हुनेछन् । यस्तै मनोनीत ३ जना सदस्य र ४ जना विशिष्ट सदस्य मनोनित हुनेछन् । मतदान ३० गते हुनेछ आज उम्मेदवारी दर्ता हुनेछ ।

kalika news