काठमाडौं : पछिल्लो समय बलात्कारको आरोप खेपिरहेका अभिनेता अभिनेता पल शाहविरुद्ध उजुरी परेको छ ।
उमेर नपुगेकी किशोरीसँग यौन सम्बन्ध राखेको आरोपमा अभिनेता शाहविरुद्ध उजुरी दर्ता भएको हो ।
जिल्ला प्रहरी कार्यालय तनहुँका अनुसार शाहविरुद्ध यौन दुर्व्यवहारको उजुरी दर्ता भएको हो ।
पीडितका आफन्त प्रहरी कार्यालय पुगेर उजुरी दर्ता गराएको प्रहरीले जानकारी दिएको छ । उजुरीमाथि छानविन गरेर शाहमाथि अनुसन्धान अघि बढाइने बताइएको छ ।
अभिनेता पल शाहविरुद्ध जबरजस्ती करणीसम्बन्धी कसूरमा किटानी जाहेरी दर्ता गराएकी १७ वर्षीया गायिकाले मेडिकल चेकअप पनि गराएकी छन् ।
ती गायिकाले शाहविरुद्ध बुधबार जिल्ला प्रहरी कार्यालय तनहुँमा किटानी जाहेरी दिएकी हुन् । त्यस लगत्तै उनको मेडिकल चेकअप पनि भएको हो ।
उजुरीमा एउटा म्यूजिक भिडियोको सुटिङका क्रममा तनहुँ रहँदा शाहले फकाएर आफूलाई करणी गरेको उनको आरोप छ ।
मुलुकी अपराध संहिता २०७४ अनुसार मजुरी लिएर भए पनि अठार वर्षभन्दा कम उमेरको कुनै बालिकालाई करणी गरेमा निजले त्यस्तो महिला वा बालिकालाई जबर्जस्ती करणी गरेको मानिने स्पष्ट व्यवस्था रहेको छ ।
१६ देखि १८ वर्षसम्म कम उमेरकी महिला भए १० देखि १२ वर्ष कैद सजायको व्यवस्था छ । जानकारी अनुसार बलात्कृत पीडित किशोरीको उमेर १७ वर्ष रहेको छ ।
बिहेको प्रलोभनमा पारेर आफूलाई बलात्कार गरेको उनको भनाई रहेको छ ।
