गैँडाकोट : नेपाल स्वास्थ्य व्यवसायी संघ गैँडाकोट नगर इकाइले पत्रकार डोलराज रानाभाटलाई सम्मान गरेको छ ।  पत्रकारिताको माध्यमद्वारा स्वास्थ्य क्षेत्रको समाचार जनतामाझ पुर्याएको भन्दै सम्मान गरेको हो । संघका अध्यक्ष ईश्वरी प्रसाद घिमिरे र सल्लाहकार शेषकान्त देवकोटाले सम्मापन पत्र र खादा ओढाएर सम्मान गरेका थिए ।

आगामी दिनमा समेत स्वास्थ्य व्यवसायीहरुको गतिविधि, हक अधिकार प्राप्तीका लागि हुने कार्यक्रमका समाचारलाई प्राथमिकता दिन आग्रह गर्दै जनहितका समाचार पस्कदै जान सुझाव दिएका थिए । स्वास्थ्य व्यवसायीहरुले कोरोना महामारीको पहिलो चरणमा गरेका गतिविधिमा पत्रकार रानाभाटले समाचार रिर्पोट गराई जनतामाझ पुर्याउने भूमिका खेलेका थिए ।

साथै यो भाइरसबाट बच्न गर्नुपर्ने विधि तथा क्वारेनटाइनमा हुनुपर्ने मापदण्डको अनुगमन गरेका स्वास्थ्य व्यवसायीहरुको कार्यलाई प्राथमिकताका साथ समाचारबाट सम्वन्धीत निकायको ध्यानाकर्षण गराउन भूमिका खेलेका थिए ।

संघले आज नयाँ कार्यसमितिको पदस्थापनाको अवसर पारी सम्मान गरेको हो । नेपाल स्वास्थ्य व्यवसायी संघ गैँडाकोट नगर इकाइले गरेको सम्मानले थप जिम्मेवारी थपिएको रानाभाटले बताए । रानाभाटलाई स्वीट नेपाल डटकमको तर्फबाट बधाई तथा शुभकामना ।