काठमाडौं : कोरोना महामारीपछि संसारभरका मानिसहरूले अनलाइन सामान खरीद गर्ने चलन थप बढेको छ ।

तर कहिलेकाहीँ यस्तो हुन्छ कि मानिसहरूले एक कुरा मागिरहेका हुन्छन्, अरू नै पाउँछन् । यस्तै एउटा घटना सार्वजनिक भएको छ ।

एक महिलाले अनलाइनमार्फत मखमली सोफा मगाएकी थिइन् । तर उनको सोफा आइपुग्दा उनको होश उड्यो ।

सोफा मगाएकी उनलाई हत्केलामा अटाउने सामान पठाइएको हो । वास्तवमा यो घटना अमेरिकाको न्यूयोर्कमा बस्ने एक महिलासँग भएको हो । मिररको रिपोर्ट अनुसार ति महिलाको नाम मरियम हो ।

हालै उनले आफ्नो सामाजिक सञ्जालमा आफूले भोगेको कुरा सुनाइन् । ती महिलाले आफूलाई अनलाइन सपिङको नराम्रो अनुभव भएको बताएकी छिन् ।

यो सबै उनलाई त्यस्तो समयमा भयो, जब उनले मखमली सोफा मन पराइन् । महिलाका अनुसार जब उनी वेबसाइटमा सामानहरू हेर्दै थिइन्, उनको आँखा मखमलीले ढाकिएको धेरै सुन्दर सोफामा पर्यो ।

सोफा देखेर तुरुन्तै किन्न मन लाग्यो । उनले अर्डर गरिन् र पैसा पनि दिइन् तर केही दिनपछि आफूले मगाएको सामान पुगेपछि उनको होश उडायो ।

एक भिडियोमार्फत महिलाले आफूमा पुगेको सोफा एउटा खेलौना भएको र त्यसको साइज आफ्नो हत्केला जत्तिकै भएको बताइन् ।

महिलाले यस विषयमा सम्बन्धित निकायसँग गुनासो गरेकी छिन् । उनले अब कहिल्यै अनलाइन किनमेल नगर्ने निर्णय गरेको पनि उनले स्पष्ट पारिन् । किनकी पैसा भने ठूलो सोफालाई पर्ने जति नै भुक्तानी गरिसकिएको थियो ।