काठमाडौं : स्वास्थ्य तथा जनसंख्या मन्त्रालयले दोस्रो वा बुस्टर डोज लगाउँदा पहिला लगाएकै खोप लगाउन नपर्ने जनाएको छ।
डब्ल्युएचओ (एसएजीई स्टार्टेजिक एड्भाइजरी ग्रुप अफ एक्सपर्ट अन इम्युनिजेसन) र राष्ट्रिय खोप सल्लाहकार समितिको सिफारिसका आधारमा स्वास्थ्य तथा जनसंख्या मन्त्रालयको शुक्रबारको मन्त्री स्तरीय निर्णय अनुसार बुस्टर मात्रा लगाउँदा पहिला लगाएकै खोप लगाउन नपर्ने भएको हो।
६० वर्ष भन्दा माथिका व्यक्तिहरुलाई कोभिड १९ विरुद्धको बुस्टर खोप प्रदान गर्दा पहिलो र दोस्रो मात्र कोभिसिल्डर एस्ट्राजेनका, मोडेर्नारफाइजर वा भेरोसेल खोप लगाएकाहरुलाई कोभिसिल्ड वा एस्ट्राजेनका खोप दिने निर्णय गरिएको स्वास्थ्य तथा जनसंख्या मन्त्रालयले जनाएको छ।
त्यस्तै पहिलो मात्रा खोप लगाएकाहरुलाई दोश्रो मात्रा दिन सोही खोप नभएमा कोभिसिल्ड वा एस्ट्राजेनेका दिने निर्णय भएको छ।
विदेशमा पहिलो मात्रा कोभिसिल्ड र एस्ट्राजेनका र भेरोसेल र मोडेर्ना र फाइजर खोप लगाएकाहरुको हकमा दोश्रो मात्राको रुपमा कोभिसिल्ड र एस्ट्राजेनेका खोप प्रदान गर्ने निर्णय भएको मन्त्रालयले जनाएको छ।
