काठमाडौं : भारतमा एक बेहुलाले बेहुलीलाइ थप्पड हान्दा विहे रद्द भएको छ । भारतको तमिलनाडुमा एक वेहुली आफ्नो विहेमा नाचेको देखपछि वेहुलाले वेहुलीलाइ थप्पन हानेको कारण वेहुलीले विद्रोह गर्दै  बेहुलासँगको बिहे नै रद्द गरिदिएकी छिन् ।

गत जनवरी २० मा हुने बिहेको एक दिन अगाडि आयोजित समारोहका बेला बेहुलाले बेहुलीमाथि हात उठाएको थियो ।

समारोहमा नाचेको भन्दै बेहुलाले थप्पड हाने। आफूमाथि सबैका अगाडि थप्पड हानेको बेहुलीले सहन सकिनन् । उनले तत्कालै त्यो बिहे रद्द भएको घोषणा गरिन् र केही घण्टापछि भतिजोसँग बिहे गरिन् ।

बिहेको एक दिन अगाडि हुनेवाला बेहुला र बेहुली तथा उनीहरुका परिवार जम्मा भएर डिजे तथा नाचगान सहितको कार्यक्रम गरे । संगीतको धूनमा हुनेवाला बेहुला र बेहुलीपनि मज्जाले नाचिरहेका थिए । त्यहीबेला बेहुलीको भतिजो पनि नाच्न आइपुग्यो ।

उसले बेहुला र बेहुलीको काँधमा आफ्नो हात राखेर नाच्न थाल्यो । त्यसले बेहुलालाई रिस उठ्यो । त्यसपछि आफ्नो हुनेवाला बेहुली र उनको भतिजोलाई पर धकेल्यो । उसले थप्पड पनि हानेको बेहुलीको परिवारको भनाई छ ।

छोरीमाथि थप्पड हानिएपछि बेहुलीका बुवा रिसले चूर भए । उनले बेहुलो र उसका परिवारलाई तत्कालै त्यहाँबाट निस्किहाल्न आदेश दिए । बेहुलीले त्यो केटासँग बिहे नगर्ने घोषणा गरिन् र त्यसमा उनका परिवारजनले पनि साथ दिए ।

तर ती युवतीका परिवारले तय भएको मितिमै छोरीको बिहे गर्ने निधो गरे । जस अनुसार नाचेको आरोपमा कुटाई खाएको भतिजो नाता पर्ने युवकसँग नै उनको बिहे हुने भयो । भोलिपल्ट जनवरी २० मा उनीहरुको बिहे भयो ।

उता बिहे गर्न नपाएको बेहुला पक्षले चाहीँ ७ लाख भारु क्षतिपूर्तिको माग गर्दै प्रहरीमा उजुरी गरेका छन् ।
टाइम्स अफ इण्डिया