चितवन,२८ भदौं । ट्रकको ठक्करबाट मोटरसाइकल चालकको मृत्यु भएको छ ।

भरतपुर महानगरपालिका -३ नारायणगढको लायन्सचोकमा ट्रकको ठक्करबाट आज (सोमबार)बिहान १०:४५ बजे ट्रकले मोटरसाइकललाई ठक्कर दिँदा रत्ननगर नगरपालिका १० का ३१ वर्षीय युदुराज पौडेलको मृत्यु भएको हो । ट्रकको ठक्करबाट गम्भीर घाइते भएका पौडेलको उपचारका लागि भरतपुर अस्पताल ल्याउने क्रममा बाटोमा नै मृत्यु भएको जिल्ला प्रहरी कार्यालय चितवनले जनाकारी दिएको छ ।

आज बिहान दाङबाट सिमेन्ट लोड गरेर जनकपुर तर्फ जाँदै गरेको ना ८ ख ६२४९ नम्बरको ट्रकले बिपरित दिशाबाट आउँदै गरेको ना ३९ प २०९३ नम्बरको मोटरसाइकललाई लायन्सचोकमा ठक्कर दिएको हो । ठक्कर दिने ट्रक र चालक प्रहरीको नियन्त्रणमा छ ।