आफ्नै श्रीमती र बुबाको हत्या गरी खाल्डोमा गाड्ने एक पुरुष पक्राउ परेका छन् । पक्राउ पर्नेमा मिथिला बिहारी नगरपालिका वडा नम्बर ५ ललिया निवासी २७ वर्षीय भागेश्वर मण्डल रहेका छन् ।
४ महिनाअघि मात्र वैदेशिक रोजगारीबाट फर्किएका भागेश्वरले सोमबार राति १२ बजे ५५ वर्षीय बुवा रामवृक्ष र २४ वर्षीया श्रीमती अमिरकादेवीको हत्या गरेका हुन् । हत्या पछि दुवैको शव छिमेकी रामकिसुन मण्डलको आँपको बगैंचामा खाल्डो खनेर गाडेको खुल्न आएको छ ।
बिहान उनका ३ ४ वर्षका बच्चा रुन थालेपछि छिमेकीले थाहा पाइ दुवै हत्या भएको थाहा पाएपछि स्थानीयले प्रहरीलाई खवर गरेका हुन् । तत्काल प्रहरी पुगी भागेश्वरलाई नि यन्त्रणमा लिई अनुशन्धान गर्दा उनले हत्या गरेको स्विकार गरेका बताइएको छ ।
उनले भनेको ठाउँमै उत्खनन् गर्दा दुवै शव समेत फेला परेको प्रहरीले जनाएको छ । पारिवारिक विवादका कारण आफुले दुवैको हत्या गरेको निजले प्रहरी सामु कबुल गरेका छन् ।
स्थानीयका अनुसार भागेश्वर एकवर्ष अघि वैदेशिक रोजगारीबाट घर फर्केका हुन्। घर फर्केपछि उनले बुबा र श्रीमतीबीच अनैतिक यौ न सम्बन्ध रहेको आशंका गर्दै आएका थिए। जसको कारण उनको पत्नीसँग दिनहुँ झगडा हुँदै आएको थियो।
सोही आशंकाको आधारमा उनले आफ्ना बुबा र श्रीमतीको हत्या गरेको हुन सक्ने स्थानीयको आशंका छ। भागेश्वर र अम्रिकादेवीका दुई छोराछोरी छन्।
घटनास्थलमा प्रहरी चौकी ललिया, इलाका प्रहरी कार्यालय धनुषाधाम र जिल्ला प्रहरी कार्यालय धनुषाको टोली पुगेर अनुसन्धान गरिरहेको छ ।
