नवलपुर, असार २ – सडक सुरक्षामा जनचेतना अभिवृद्धि गर्ने उद्देश्यले सञ्चालन गरिएको “ट्राफिक सप्ताह २०८२” नवलपुरमा विविध कार्यक्रमसहित सफलतापूर्वक सम्पन्न भएको छ। एक सातासम्म चलेको यो अभियानले ट्राफिक नियमको महत्त्व, सुरक्षित यात्राको आवश्यकता र अनुशासित सवारी संस्कृतिको सन्देश फैलायो।

कार्यक्रमको नेतृत्व गरेका ट्राफिक इन्स्पेक्टर जनक बञ्जारा का अनुसार ट्राफिक सप्ताहमार्फत सर्वसाधारण, विद्यार्थी, सवारी चालक तथा सरोकारवाला निकायबीच समन्वयात्मक प्रयास भएका छन्। उनले भने, “सडक दुर्घटना कम गर्न जनस्तरमै चेतना फैलाउनु अत्यावश्यक छ। हामीले नियम पालना नगरेसम्म सुधार सम्भव छैन।”

स्थानीय बासिन्दा, विद्यार्थी, सामाजिक अभियन्ता र व्यवसायीको उत्साहजनक सहभागिताले कार्यक्रम प्रभावकारी बनेको आयोजक टोलीले जनाएको छ।

कार्यक्रमको समापनमा ट्राफिक प्रहरी कार्यालयले नागरिक सहभागिता र सहयोगप्रति आभार प्रकट गर्दै आगामी दिनमा यस्ता अभियानलाई निरन्तरता दिने प्रतिवद्धता जनाएको छ।