चितवन : चितवन मेडिकल कलेज शिक्षण अस्पतालले सरकारले अक्सिजन आपूर्तिमा सहयोग नगरे अक्सिजनको अभावमा बिरामी भर्ना गर्न नसक्ने अवस्था आउने चेतावनी दिएको छ । शिक्षण अस्पतालका प्रबन्ध निर्देशक डा. हरिशचन्द्र न्यौपानेले शनिबार एक फेसबुक स्टाटस अपडेट गर्दै चेतावी दिएका हुन् ।

उनका अनुसार अस्पतालको अक्सिजन प्लान्टबाट हाल ५०० लिटर प्रतिमिनेटको दरले अक्सिजन उत्पादन भइरहेको छ । उसले ४०० वटा सिलिण्डर अक्सिजन अन्य उद्योगबाट ल्याएको जनाउँदै प्रबन्ध निर्देशक न्यौपानेले सरकारले सहयोग नगरे अक्सिजन चाहिने कुनै बिरामी भर्ना गर्न नसक्ने उल्लेख गरेका हुन् । चितवनका अन्य अस्पतालाई सरकारले अक्सिजन सिलिण्डर वितरण गरिरहेको अवस्थामा मेडिकल कलेजलाई पनि उपलब्ध गराउने विश्वास लिएको बताएका छन् ।