भरतपुर : स्थानीय तह निर्वाचनसम्बन्धी समाचार संकलनका क्रममा दलका नेता कार्यकर्ताले पत्रकारमाथि गरेको दुर्व्यवहारप्रति नेपाल पत्रकार महासंघ चितवन शाखाले गम्भीर ध्यानाकर्षण भएको जनाएको छ।
भरतपुर महानगरपालिकाका मेयरका प्रत्यासीको तस्बिर र प्रतिक्रिया लिने क्रममा भरतपुर महानगरपालिकाको वडा नं. ७ स्थित राष्ट्रिय माध्यमिक विद्यालय मतदान केन्द्रमा खटिएका नेपाली कांग्रेसका वडा सभापति विनोद ढकालको नेतृत्वमा रहेको समूहले समाचार संकलनमा गएका पत्रकारहरूलाई सञ्चार सामग्री फुटाइदिन्छौँ भनेर धम्कीपूर्ण दुर्व्यवहार गरेका थिए।
पत्रकारलाई समाचार संकलनमा अवरोध गर्नुका साथै धम्कीपूर्ण भाषा प्रयोग गरेको भन्दै त्यसप्रति पत्रकार महासंघ चितवन शाखाले आपत्ति जनाउँदै गम्भीर ध्यानाकर्षण भएको विज्ञप्तिमार्फत जनाएको हो।
शाखा सचिव दीपेन्द्र अधिकारीद्वारा जारी विज्ञप्तिमा भनिएको छ, ‘जिल्लाको अन्य केही मतदान केन्द्रमा समेत सरकारी निकायेकारका लागि मतदान केन्द्र प्रवेशमा रोक लगाउँदा जनताको सुसूचित हुने हक कुण्डिभएको हामीले महसुस गरेका छौँ।
राजनैतिक दल र सरकारी निकायबाट पत्रकारहरूलाई निर्वाधरूपमा समाचार संकलन गर्ने वातावरण बनाउनसमेत जोडदार माग गर्दछौँ।’
