आफ्नी नाबालिग सौतेनी छोरीलाई बलात्कार र ज्यान मार्ने धम्की दिएको आरोपमा ४० वर्षीय वावु पक्राउ परेका छन्। भारतको गुरुग्राममा अभियुक्तलाई शनिबार महानगरीय अदालतमा पेस गरी पुर्पक्षका लागि थुनामा पठाइएको प्रहरीले जनाएको प्रेस ट्रस्ट अफ इण्डियाले उल्लेख गरेको छ ।
पीडितकी आमाले दिएको उजुरीकाआधारमा पहिलो श्रीमानको मृत्यु भएको एक वर्षपछि (पाँच वर्षअघि) आरोपितसँग विवाह भएको थियो । त्यसयता उनी आरोपी र आफ्ना चार छोराछोरीसँग भाडाको घरमा बस्दै आएकी थिइन् ।
उजुरीकर्ताले आफू घरमा कामदारको रूपमा काम गर्ने गरेको र आरोपित (श्रीमान्) बेरोजगार रहेको बताइन् । बिहीबार राति घर पुगेपछि उनकी ११ वर्षीय छोरीले जबरजस्ती करणी र धम्की दिएको जानकारी गराएकी थिइन् । ‘जब मैले मेरो श्रीमानलाई भेटेँ‚उनले मसँग झगडा गरे र घरबाट भागे। त्यसपछि मैले प्रहरीलाई बुझाएँ‚उजुरीकर्ताले भनिन्।
पीडितलाई चेकजाँच गर्ने डाक्टरले जबरजस्ती करणी भएको पुष्टि गरेका थिए । ‘अभियुक्तलाई पक्राउ गरिएको छ र अपराध स्वीकार गरेको छ। उसलाई आज सहरको अदालतमा पेस गरी न्यायिक हिरासतमा पठाइएको छ‚’पालम विहार प्रहरी चौकीका एसएचओ जितेन्द्र कुमारले शनिबार भने।
आरोपीलाई यौन अपराधबाट बालबालिकाको संरक्षण ऐन र भारतीय दण्ड संहिताको धारा ५०६ (आपराधिक धम्की)अन्तर्गत मुद्दा लगाइएको छ‚ कुमारले भने।
