काठमाडौं : सरकारले निर्वाचनको तयारी थालेको छ । आगामी वर्ष २०७९ साल निर्वाचनको वर्ष रहेका बेला सरकार त्यसको तयारीमा जुटेको हो ।
प्रधानमन्त्री शेरबहादुर देउवाले आगामी एक वर्षभित्र तीनै तहका निर्वाचन गर्नुपर्ने भएकाले सबै निकायहरूलाई तयारी अवस्थामा रहन निर्देशन दिनुभएको छ ।
राष्ट्रका नाममा सम्बोधन गर्दै प्रधानमन्त्री देउवाले एक वर्षभित्र तीन तहका चुनाव गर्ने कार्यभार रहेको उल्लेख गर्दै तयारीमा लाग्न सबै निकाय र दलहरुलाई आग्रह गर्नुभएको छ ।
प्रधानमन्त्रीले ‘तीन तहको निर्वाचन गर्नुपर्ने दायित्व रहेको वताउदै निर्वाचनका सम्पूर्ण काम गर्नका लागि सम्बन्धित सबैसँग अनुरोध गरिने वताउनुभयो ।
माओवादी अध्यक्ष पुष्प कमल दाहाल ‘प्रचण्ड’ ले पहिला संसदीय निर्वाचन र पछि स्थानीय तहको निर्वाचन गराउने प्रस्ताव राख्नुभएको थियो तर प्रचण्डको प्रस्ताव अस्वीकार गर्दै प्रधानमन्त्रीले पहिला स्थानीय तहको निर्वाचन गराएर त्यस्पछि भएन भने मात्रै तीनै तहको निर्वाचन एकैपटक गराउने रणनीति दर्शाउनुभयो ।
नेकपा एमाले भने पहिले स्थानीय चुनाव गर्नुपर्ने पक्षमा छ । उसले संविधानको प्रावधानलाई उठाइरहेको छ । प्रधानमन्त्री पनि स्थानीय चुनाव पहिले गर्नुपर्ने पक्षमा उभिनुभएकाले एमालेलाई सहज भएको छ ।
