WAY ग्रुप नेपाल नवलपुरले २०८२ साल जेठ ३० र ३१ गते “भ्रमण अवलोकन तथा सरसफाई अभियान” अन्तर्गत मकवानपुर जिल्लाको थाहा नगरपालिका वडा नं. ३ र ४ अन्तर्गतको शिखरकोट बजार क्षेत्रमा सफाइ तथा जनचेतना कार्यक्रम सम्पन्न गरेको छ।

कार्यक्रममा थाहा नगरपालिकाका जनप्रतिनिधि, विभिन्न संघसंस्था, वातावरणप्रेमी अभियन्ता, केन्द्रदेखि स्थानीय तहका पदाधिकारीहरू समेतको उल्लेख्य सहभागिता रहेको थियो।

कार्यक्रमका प्रमुख अतिथि थाहा नगरपालिका वडा नं. ४ का वडा अध्यक्ष  नारायण लामा रहनुभएको थियो भने विशिष्ट अतिथिका रूपमा वडा नं. ३ का वडा अध्यक्ष  हिरेन्द्र कुमार रायमाझी, वडा नं. ४ का वडा सचिव तथा अन्य विभिन्न संघसंस्थाका प्रमुखहरू – शिखरकोट बजार व्यवस्थापन समिति, रिसेश्वर सामुदायिक वन, दामन चेली समाज लगायतका प्रतिनिधिहरूको उपस्थिति रहेको थियो।

कार्यक्रमको सहजीकरण वडा अध्यक्ष नारायण लामाले गर्नु भएको हो भने WAY ग्रुप नेपालका केन्द्रीय अध्यक्ष दीपक गौतमले संस्थाको उद्देश्य र अभियानको बारेमा जानकारी गराउनुभएको थियो। कार्यक्रमको अध्यक्षता WAY ग्रुप नेपाल नवलपुरका अध्यक्ष  प्रकाश अधिकारीले गर्नुभएको थियो।

कार्यक्रमको संचालन सहसचिव  ऋषिराम भण्डारीले गर्नुभएको थियो। WAY ग्रुप नेपाल नवलपुर परिवारले अभियानमा प्रत्यक्ष वा अप्रत्यक्ष रूपमा साथ दिने सम्पूर्ण महानुभावहरूप्रति हार्दिक आभार व्यक्त गरेको छ।