चितवन, भदौँ ४–

गैँडाकोटको अक्सफोर्ड कलेजले आफ्नो कमजोरी ढाकछोप गर्न सञ्चारमाध्यमलाई धम्की दिन थालेको छ । अराजक समूह परिचालन गरी कलेजले सञ्चारमाध्यमलाई धम्क्याउन थालेको हो ।

सोमबार दिउँसो कलेजको अराजक समूहले चितवन पोष्ट दैनिक र नारायणी अनलाइनमा पालैपाले पुगेर धम्की दिएको हो । कलेजको बसले केहीदिन अघि टिकौली जंगलमा शव बोकेको बलेरो गाडी, मोटरसाइकल र स्कुटर गरि ७ वटा सवारी साधनलाई ठक्कर दिएको थियो । अक्सफोर्ड बसका चालकको लागूपदार्थ सेवन परीक्षण गर्दा चालकले लागूपदार्थ सेवन गरेको पुष्टि भएको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।

चितवन पोष्ट दैनिक र नारायणी अनलाइनमा आज (सोमबार) प्रकाशित ‘गैंडाकोटको अक्सफोर्ड कलेजका चालकले गाँजा खाएर बस चलाउँदा टिकौली दुर्घटना’ शीर्षकको समाचारको विषयलाई लिएर अक्सफोर्ड कलेजका सञ्चालक हरि भण्डारीका छोरा रोहन भण्डारी सहितको टोलीले  कार्यालयमा पुगेरै गुण्डागर्दी शैलीमा पत्रकार सञ्चारकर्मीहरुलाई आतंकित पार्ने काम गरेको छ । यस घटनाप्रति चितवन पोष्ट दैनिक र नारायणी अनलाइनले गम्भीर ध्यानाकर्षण र भत्र्सना गरेको छ ।  विज्ञप्ती जारी गर्दै दुबै सस्थाले आजको घटनाले सञ्चारमाध्यमलाई आतंकित बनाउने र पत्रकारलाई हतोत्साहित बनाउने कार्य भएकोले सुरक्षाको प्रत्याभूति दिलाइदिनु हुन जिल्ला प्रशासन कार्यालय चितवन समक्ष आग्रह गरेको छ ।

विज्ञप्तीमा भनिएको छ–

अक्सफोर्ड कलेजका प्रिन्सिपल समेत रहेका भण्डारीले विज्ञप्ति जारी गरि आफ्नो बस चालकले लागु पदार्थ सेवन नगरेको दाबी गरेका छन् ।