१८ पुस, धनगढी । नक्कली प्रहरी निरिक्षक (इन्सपेक्टर) लाई प्रहरीले पक्राउ गरेको छ । ईलाका प्रहरी कार्यालय त्रिभुवनवस्तीको टोलीले धनगढी उपमहानगरपालिका–७ बस्ने ३३ वर्षीय सनम भण्डारी र २८ वर्षीय रितु भण्डारीलाई नियन्त्रणमा लिएको हो ।

राष्ट्रिय अनूसन्धान व्युरोको नाम बेच्दै ‘प्रहरी निरिक्षक (इन्सपेक्टर)’ बनेर लागुऔषधको ओसारपसार गर्ने धनगढी उपमहानगरपालिका–७ बस्ने ३३ वर्षीय सनम भण्डारी र २८ वर्षीय रितु भण्डारीलाई प्रहरीले लागुऔषधसहित पक्राउ परेका हुन् ।

ईलाका प्रहरी कार्यालय त्रिभुवन बस्तीबाट प्रहरी नायव निरीक्षक गोपाल बोहोराको कमाण्डमा खटिएको प्रहरी टोलीले उनीहरुलाई पुनर्वास नगरपालिका-१० दोदा पुलबाट पक्राउ गरेको हो ।

सनम भण्डारीले चलाएको से३प ४४९६ नम्बरको हन्क मोटरसाइकल रोकेर चेकजाँच गर्ने क्रममा कालो प्लाष्टिकमा लुकाई छिपाइ राखेको अवस्थामा उनीहरुको साथबाट १५ ट्याब्लेट नाइट्राभेट र स्पास लेखेको ४४ थान क्याप्सुल लागऔषध फेला परेको इलाका प्रहरी कार्यालय त्रिभुवनबस्तीका प्रहरी नायव निरीक्षक गोपाल बोहोराले वताए ।

प्रहरी निरिक्षक वोहराका अनुसार नियमित चेकजाच क्रममा भण्डारीले प्रहरीलाई आफु राष्ट्रिय अनूसन्धान व्युरोको इन्स्पेक्टर रहेको बताउदै आई.बी.आर.डी तिर गएको थिए । तर भण्डारीले फर्कने क्रममा पुनः त्यस्तै शंकास्पद ब्यवहार गरे पछि ड्युटीमा रहेका प्रहरी टोलीले नियन्त्रणमा लिई सोधपुछ गर्दा तथ्य कुरा बहिरीएको हो ।

भण्डारी नक्कली प्रहरीको खोल ओडेर लागुऔषध ओसारपसारमा संलग्न रहेको प्रारम्भिक अनुसन्धानबाट खुल्न आएको छ । सनम भण्डारी राष्ट्रिय अनुसन्धानको इन्सपेक्टरको आवरणमा लागू औषध ओसार्दै आएको खुल्न आएको छ ।

उनले आफूलाई नेपाल प्रहरीको राष्ट्रिय अनुसन्धान ब्यूरो प्रहरी निरीक्षक (इन्स्पेक्टर) भएको भन्दै परिचय दिने गरेका थिए । घटनाको थप अनुसन्धान भइरहेको ईलाका प्रहरी कार्यालय त्रिभुवन बस्तीले जनाएको छ।