युबराज शर्मा
चितवन-
नेकपा माओवादी केन्द्रका अध्यक्ष पुष्पकमल दाहाल प्रचण्डले मसिंर ४ गते हुने सघिंय चुनावमा चितवन क्षेत्र न.३ बाट चुनाव लड्ने बताएका छन्। २०७४ को आमनिर्वाचनमा चितवन क्षेत्र नं ३ बाट निर्वाचित भएका उनले यसै क्षेत्रबाट फेरि चुनाव लड्ने बताए पनि प्रचण्डलाई चुनाव लड्न त्यति सहज देखिदैन।
२०७४ को चुनावमा प्रचण्ड नेकपाको गठबन्धन हुँदा पनि राष्ट्रिय प्रजातन्त्र पार्टीका विक्रम पाण्डेलाई साँढे ९ हजार मतले मात्र पराजित गरेका थिए । प्रचण्डले ४८२७६ मत ल्याउँदा पाण्डेले ३८९३५ मत ल्याएका थिए। तर हाल प्रचण्डको बलियो पात्रको रुपमा चितवनमा देखिएका पुर्व गृहमन्त्री रामबहादुर थापा बादल पनि नेकपा विभाजन पछि एमालेमा देखिएकाले र क्षेत्र न.३ काे माओवादीले हक जमाउदै आएकाे माडिमा पनि स्थानीय चुनावमा माओवादीले पराजित बेहाेर्नुपरेकाे लगायतका तथ्यले यस पटक प्रचण्डलाई चितवन क्षेत्र न.३ बाट चुनाव लड्न सहज नदेखिएको हाे।
नेकपा एमाले चितवनका अध्यक्ष राम प्रसाद न्यौपानेले प्रचण्डलाई यसपटक चितवनका जनताले घुंडा टेकाइदिने बताउदै आएका छन्। उनले माओवादीले एकल चुनाव लड्न नसक्ने र अरुकाे साहारा लिएर आएपनि यसपटककाे चुनाव जित्न नसक्ने बताउदै आफ्नै पार्टीका प्रधानमन्त्रीलाई तत्कालीन अवस्थामा काम गर्न नदिने प्रचण्डको स्वभाव र उनको अस्थिर राजनीतिलाई चितवनका जनताले बुझिसकेकोले प्रचण्डलाई चितवनबाट चुनाव लड्न सहज नभएको दाबी गरेका हुन्।
नेपालि काङ्ग्रेसबाट विद्रोह गरि भरतपुरकाे मेयरमा उठेका नेता जगन्नाथ पाैडेलले प्रचण्डलाई चुनाव जित्न सहज नभएको बताउछन्। गठबन्धन गरेर सामदाम दण्डभेद प्रयोग गरेर सधै चुनाव जित्न नसकिने बताउदै जनमतको हिसाब गरेर एकल चुनाव लड्न प्रचण्डलाई नेता पाैडेलले चुनाैति दिएका छन्।
नेकपा माओवादी चितवनका अध्यक्ष रामचन्द्र अधिकारीकाे भने चितवन क्षेत्र नम्बर ३ बाटै प्रचण्ड को उमेदवारी रहने र विजय हासिल गर्ने दाबी छ। उनले चितवनको समग्र विकास भनेकै प्रचण्ड रहेको बताउदै चितवनमा प्रचण्डको प्रतिस्पर्धी नै नरहेको बताउनुभएको हाे।
