चितवन : चितवनमा एक जना पुरुष मृत भेटिएका छन्। जिल्लाको भरतपुर महानगरपालिका १२ स्थित टिकौली जङ्गलमा झुण्डिएको अवस्थामा शव फेला परेको हो।
जिल्ला प्रहरी कार्यालय चितवनका अनुसार आज (शनिबार) बिहान ८ बजे उक्त जङ्गलमा भरतपुर ८ गौरीगन्ज बस्ने अन्दाजी ४५ वर्षीय पुरुषको शव फेला परेपछि स्थानीयले प्रहरीलाई खबर गरेका थिए।
प्रहरीले मृतकको नाम गोप्य राखेको छ। मृतकले आत्महत्या गरेको हुनसक्ने प्रहरीले आशङ्का गरेको छ।
शव पोस्टमार्टमका लागि भरतपुर अस्पताल लगिएको छ। घटनाबारे थप अनुसान्धान भइरहेको प्रहरीले जनाएको छ।
