भरतपुर : श्रीमतीलाई कुटपिट गरि योनीभित्र औँला छिराई पाठेघर निकालिदिने पुरुष विरुद्ध चितवन प्रहरीले ज्यान मार्ने उद्योग र जवरजस्ती करणीको दुई मुद्धा दर्ता गरेको छ ।

चितवन जिल्ला अदातलबाट थुनामा राख्ने म्याद अनुमति लिएर थप अनुसन्धान गर्ने काम भइरहेको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिए ।

घरायसी विवादमा खैरहनी नगरपालिका–१० कठारस्थित मुसहरबस्ति बस्ने ४० वर्षीय रामचन्द्र माझीले बिहीबार राती करिब साढे ७ बजेको समयमा आफ्नो श्रीमतीलाई कुटपिट गरी योनीभित्र औँला छिराई पाठेघर बाहिर तानेर चोट पु¥याएका थिए ।

उक्त घटनापछि घटनास्थल पुगेको प्रहरीले घाइते महिलाको उद्दार गरि उपचारका लागि भरतपुर अस्पतालमा पठाएको हो । निज महिलाको श्रीमान उपर प्रहरी प्रतिवेदनका आधारमा ज्यान मार्ने उद्योग र जवरजस्ती करणी कसुरमा मुद्दा दर्ता गरिएको अधिकारीले बताए ।