सुरक्षित मतगणनाका लागि चितवनको भरतपुर महानगरमा तयारी गरिएको छ । २०७४ को निर्वाचनमा मतपत्र च्यातिएपछि यसपटक भने सुरक्षीत मतगणनाको तयारी गरिएको हो।भतरपुर महानगरपालिकाको मतगणना चितवन उद्योग संघको औधोगिक प्रर्दशनी केन्द्रको सी ब्लकमा गर्ने तयारी गरिएको छ।
मुख्य निर्वाचन अधिकृतको कार्यालय भरतपुरका सुचना अधिकारी पुरुषोत्तम पौडेलका अनुसार आयोगको निर्देशन पछि मतगणना स्थलमा सीसी क्यामेरा जडान गर्ने, तारजाली लगाउने बत्ति जडान गर्ने लगाएतका कार्यहरु भइरहेको छ।
निर्वाचन आयोगले यसपटक मतपत्रको सुरक्षामा विशेष ध्यान दिएको छ।’
शुक्रबारको मतदान सकिएपछि सोही दिन मतपत्र मतगणना स्थलमा आइपुग्ने र सर्वदलिय बैठकपछि मतगणना सुरु गरिने पौडेलले बताए। मतगणना स्थलमा तीन तहका सुरक्षाकर्मीको परिचालन गरिने तयारी छ, पौडेल भन्छन् ‘विगतमा भएका अनियमीतता सुधारका लागि यसपटक विशेष सुरक्षा व्यवस्थाा गरिएको छ।
यसपटक विगतका गल्ति दोहोर्याउन दिँदैनौं, दलका प्रतिनिधिहरुले मतपत्र च्यात्न नसकुन् भनेर विशेष व्यवस्थाा गरिएको छ। दलका प्रतिनिधीहरु बस्नका लागि छुट्टै ठाउँ छुट्याइएको छ। प्रतिनीधिहरुले हेर्न मिल्ने छुन नमिल्ने तरिकाले मतगणनाको व्यवस्था मिलाइएको छ, मतगणना स्थलमा ८ वटा सिसी क्यामेरा जडान गरिएको छ।’ उनले बाहिर हल्ला आएजस्तो मतपेटिका साटिने सम्भावना पनि नरहेको बताए।
पौडेलका अनुसार भरतपुरमा निर्वाचनको तयारी सकिने क्रममा छ, मतदानका लागि खटाउनुपर्ने कर्मचारीहरु र सुरक्षाकर्मी सम्बन्धित मतदान केन्द्रमा गएका छन्। मतदान केन्द्रअनुसार आवश्यक संख्यामा मतपत्र रुजु गरेर पठाइएको छ। सबै ठाउँमा मतपत्र पुगिसकेको छ। उता जिल्ला प्रहरी कार्यालयको समन्वयमा सुरक्षाको सम्पूण तयारी गरिसकेको छ।
भरतपुरमा यसपटक विगतका गल्ति हुन नदिने र शान्तिपुर्वक मतगणना हुने उनले बताए। २९ वटा वडा रहेको भरतपुर महानगरपालिकामा एक लाख ८५ हजार मतदाता रहेका छन् । यहाँ मतदानको लागि ६५ मतदानस्थल र २०२ वटा मतदान केन्द्र रहेका छन् ।
चितवनका प्रमुख जिल्ला अधिकारी आसमान तामाङका यसपटक मतगणनाको सुरक्षामा कुनै कमी हुन नदिने बताँछन्। नेपाल प्रहरी, सशस्त्र प्रहरी तथा नेपाली सेना तीनै निकायका सुरक्षाकर्मीलाई परिचालन गरिने उनले बताए।
