काठमाडौ : नेकपा (माओवादी केन्द्र) ले चुनावी प्रचार सामग्रीको पोस्टरमामा नेपाल विद्युत् प्राधिकरणका कार्यकारी निर्देशक कुलमान घिसिङको फोटो राखेको थियो ।
कुलमानको फोटो देखेपछि अधिकांश मिडियाले समाचार बनाए ।
त्यसपछि कुलमानले माओवादी अध्यक्ष पुष्पकमल दाहाल प्रचण्डलाई फोन गरेर फोटो नराख्न आग्रह गरेको बुझिएको छ ।
म एक जनताको कर्मचारी हुँद मेरो तस्विर चुनावी प्रचार सामाग्रीमा नराख्दा हुन्छ की भनेर फोन गरेपछि अहिले हटाएको छ एक नेताले बताउनुभयो ।
माओवादी अध्यक्ष पुष्पकमल दाहाल प्रचण्डले सामाजिक सञ्जालमा राखेको प्रचार सामग्रीमा कुलमानको पनि फोटो प्रयोग भएको थियो ।
कुलमानसँगै अर्थमन्त्री जनार्दन शर्माको तस्विर राखिएको थियो ।
कुलमानको फोटो प्रयोग भएकोमा आलोचना भएपछि प्रचण्डले आफ्नो सामाजिक सञ्जालमा राखेको प्रचार सामग्री समेत हटाउनुभएको छ ।
नेपाल विद्युत् प्राधिकरणका कार्यकारी निर्देशक कुलमान घिसिङले पनि चुनावी प्रचार सामग्रीमा प्रयोग भएको आफ्नो फोटो हटाउन माओवादीलाई आग्रह गरेको पुष्टि गर्नुभएको छ ।
‘म राष्ट्र सेवक कर्मचारी हुँ, मेरो तस्विर प्रयोग भएको देखें, हटाउन भनिसकेको छु सायद हटाउनुहुन्छ होला उहाँले भन्नुभयो ।’
प्रचण्डले राखेको प्रचार सामग्रीमा प्रचण्डसहित माओवादी नेता जनार्दन शर्मा र कुलमान घिसिङको तस्विर राखेर ‘अँध्यारोबाट उज्यालोको यात्रा’ लेखिएको थियो ।
‘लोडसेडिङ अन्त्य एउटा फड्को अब पालो निःशुल्क बिजुलीको’ शीर्षक दिएर राखिएको तस्विरमा घिसिङको फोटो प्रयोग गरिएको थियो । तस्विरमा माओवादीको चुनावी चिन्ह राखिएको थियो ।
तर अहिले त्यो पोष्ट हटाइएको छ र त्यसमा प्रचण्डको मात्र फोटो राखिएको देख्न सकिन्छ ।
