चितवन : आउँदो वैशाख ३० मा हुन लागेको स्थानीय तह निर्वाचनको लागि भरतपुर माहानगरपालिकामा नेपाली कांग्रेसबाट २२ जनाले मनोनयन दर्ता गराएका छन्। आज (आइतबार) भएको मनोनयन दर्तामा महानगरमा १३ जना मेयरमा र ९ जनाले उप मेयरमाको मनोनयन दर्ता गराएका हुन् ।
मेयर पदमा मनोनयन दर्ता गराउनेमा भरत अधिकारी, शंकर कँडेल, तारानाथ पौडेल, उत्तम जोशी,चित्रसेन अधिकारी, जगन्नाथ पौडेल,रामप्रसाद अधिकारी,विजय शर्मा भुसाल, दिनेश कोइराला, पार्वती शाह ठकुरी ,दिघमान श्रेष्ठ,निलकनठ शर्मा रिजाल र गौरी कुमारी श्रेष्ठ रहेका छन् ।
यस्तै, उपमेयर पदमा तारा गुरुङ, बुद्धिकान्त न्यौपाने, लक्ष्मी लामिछाने, नीरु कार्की,कल्पना पौडेल , देबेन्द्र गुरुङ,टकनाथ पौडेल,पुर्ण बाहादुर गुरुङ र राजिब न्यौपानेले मनोनयन दर्ता गराएका महानगर कांग्रेसले जनाएको छ ।
आइतबार बिहान ११ बजेदेखि सुरु भएको मनोनयन दर्ता भोलि सोमबार अपरान्न चार बजेसम्म चल्ने महानगर प्रबक्ता ईश्वर प्रभाकर श्रेष्ठले जानकारी दिए।
