फिल्म २ नम्बरी’मा नायिका उपासना सिंह ठकुरीको प्रवेश भएको छ । उपासनासँग फिल्मको निर्माण पक्षले सोमबार कागजी सम्झौता गरेको हो । दिपेन्द्र लामाले निर्देशन गर्ने फिल्मको छायाँकन चैत्रको तेश्रो सातादेखि सुरु हुनेछ । सुरुमा फिल्मकी नायिका बर्षा राउत थिइन् ।

https://youtu.be/KfHHFuaETJI

नायिका उपासना सिंह ठकुरीले फिल्ममा अनुबन्धित हुंन पाउँदा आफूलाई खुशी लागेको बताइन् । ‘म एकदमै खुशी छु । सौगात मल्ल दाईसँग काम गर्ने ठुलो सपना थियो । त्यो पुरा हुँदैछ । फिल्मको टिम, कथावस्तु मन परेपछि मैले काम गर्ने निणर्य गरेकी हुँ’ उपासनाको भनाई छ । नायक पल शाहको ठाउँमा उपासना भित्रिएकी हुन् । फिल्ममा अब दयाहाङ राई, सौगात मल्ल, उपासना सिंह ठकुरी र भुटानी नायिका उगेन छोदेनको मुख्य भूमिका रहनेछ ।

आउँदो वर्षको कार्तिक ४ गतेलाई प्रदर्शन मिति तय गरिएको फिल्मलाई दीपेन्द्र लामाले निर्देशन गर्दैछन् । फिल्मका प्रस्तुतकर्ता किरण नेपाली हुन् ।

फिल्मको कथावस्तु अझै परिमार्जन गरेर बलियो बनाएको निर्देशक लामाले बताए । फिल्मकी नायिका उगेन छोदेनले भनिन्-‘विदेशी कलाकारहरुसँग काम गर्न पाउँदा खुशी लागेको छ । नेपाली दर्शकले माया दिनुभयो भने म अझै निरन्तर नेपाली फिल्ममा काम गर्नेछु ।’

यो फिल्मले २ साथीको कथा भन्नेछ । फिल्ममा दीपक मनाङ्गे र अमला देवी राइको लगानी रहनेछ । फिल्मका कार्यकारी निर्माता सरोज नेपाली हुन् ।

https://youtu.be/KfHHFuaETJI