निषेधाज्ञाको १९ दिनसम्म आईपुग्दा चितवनका ४ जना बालिका यौन दुव्र्यवहारमा परेका छन् । जिल्ला प्रहरी कार्यालय चितवनका अनुसार कोरोना कहरका वीच लागु भएको निषेधाज्ञामा जिल्लाका २ बालिका माथि जबरजस्ती करणी र २ जना माथि करणीको प्रयास भएको हो ।

यौन शोषणमा परेका मध्य १ बालिकालाई अपहरण गरि बलात्कार गरिएको छ । बालिकाहरु १२ देखि १७ वर्ष उमेरका रहेका छन् । पीडित बालिकाहरु परिवारका नजिकका व्यक्ति तथा आफ्नै बुबाबाट यौन दुव्यवहारको शिकार भएको महिला बालबालिका तथा जेष्ठ नागरिक सेवा केन्द्रकी इनिस्पेक्टर कमला नरालले बताउनुभयो ।

यस्तै यहि समय ४ वटा घरेलु हिंसाका उजुरी जिल्लामा दर्ता भएको छ । निषेधाज्ञा संगै जिल्लमा आउने महिला हिंसाका केशमा कमि आएको हो । धेरै जस्तो श्रीमान श्रीमति वीचको मनमुटाब लिएर उजुरी कर्ताहरु आउने गरेका छन् । उजुरीको अवस्था हेरी मिलापत्र लगायत अन्य कानुनी प्रकृयामा अघि बढेको इनिस्पेक्टर नरालले बताउनुभयो ।