चितवन : नेकपा एमालेका अध्यक्ष केपी शर्मा ओलीले अव फेरि पनि मत पत्र च्यातेर चुनाव जित्छु भन्ने सपना नदेख्न चेतावनी दिनुभएको छ । सोमबार भरतपुर महानगरको अधिवेशनमा बोल्दै उहाँले यस्तो चेतावनी दिनुभएको हो । ओलीले चुनावमा ५ गठबन्धन मिलेर आए पनि चुनाव जित्न नेकपा एमाले एक्लै काफी रहेको दावि गर्नुभएको छ ।

आज ५ गठबन्धन चुनावसम्म जारी राख्न आवश्यक रहेको भन्दै केही नेताहरुले भाषण गर्दै हिँडेको बताउँदै उहाँले जोजो मिलेर आए पनि एमालेले सामना गर्ने बताउनुभयो ।

आफूहरु हरेक क्षेत्रमा बहुमत ल्याउने संकल्पका साथ अगाडि बढेको बताउँदै ओलीले रोक्न सके रोक्नका लागि विपक्षी दलहरु समक्ष चुनौती दिनभुएको छ ।

सुरुमा स्थानीय चुनाव आउने बताउँदै उहाँले स्थानीय चुनावमै विपक्षीहरुलाई धोवीले लुगा पछारे झैं पछार्ने गरी लाग्न नेता कार्यकर्तालाई निर्देशन दिनभुएको छ ।